Tarixi:
Azərbaycan Fotoqrafiya Federasiyası ölkədə fəaliyyət göstərən foto təşkilatları ətrafında toplayan, fotoqrafiyanın inkişafına dəstək verən ölkənin statuslu foto təşkilatıdır.
Azərbaycan Fotoqrafiya Federasiyası 2022-ci il dekabr ayının 1-də tanınmış fotoqraflar Dilavər Nəcəfov və Rəşad Mehdiyevin təşəbbüsü ilə yaradılıb.
Azərbaycan Fotoqrafiya Federasiyası 2023-cü ildə dünyada UNESCO tərəfindən tanınmış yeganə fotoqrafiya təşkilatı Beynəlxalq Foto Sənəti Federasiyasına üzv kimi qəbul edilib.
Məqsədi:
Azərbaycanda fotoqrafiyanın inkişafına töhfə vermək;
Ölkədə foto sahəsi üzrə fəaliyyət göstərən təşkilatları bir çətir altında toplamaq, onlara nəzarət funksiyasını həyata keçirmək;
Azərbaycan fotoqrafiyasına və fotoqraflarına bağlı olan tarixi fotoları, sənədləri, maddi əşyaları araşdırıb tapmaq, arxiv şəklində toplamaq;
İstedadlı fotoqrafları aşkara çıxarmaq, onlara dəstək vermək, foto sənəti üzrə təhsil almağa təşviq etmək;
Peşəkar fotojurnalistikanın inkişafına dəstək vermək;
Müxtəlif kurslar, seminarlar, görüşlər, forumlar, yerli və beynəlxalq səviyyəli foto müsabiqələr, foto sərgilər, təşkil etmək;
Fotoqrafiya sahəsinə aid kitablar, dərsliklər, fotokitablar və jurnallar hazırlanmaq və nəşr etdirmək;
Azərbaycan fotosunu dünyada, beynəlxalq təşkilatlarda, sərgi və müsabiqələrdə təmsil etmək;
Foto sənətinin inkişafına xidmət edəcək təşkilatlar yaratmaq:
Azərbaycan Fotoqrafiya Akademiyası
Azərbaycan Fotoqrafiya Fondu
Azərbaycan Fotoqrafiya Muzeyi
Azərbaycan Fotoqrafiya Kitabxanası
Azərbaycan Fotoqrafiya Qalası (Evi)
Azərbaycan Fotoqrafiya Könüllüləri
Azərbaycan Fotoqrafiya Günü