ƏSA Teatrı Azərbaycan Dövlət Akademik Musiqili Teatrının səhnəsində çıxış edib. Yeni və unikal səhnə işi olan “Axtarış” tamaşasının xüsusi premyerası keçirilib.
“Axtarış” tamaşası Azərbaycan teatr məkanında ilk dəfə təqdim edilən hibrid tamaşadır. İki böyük ədəbiyyat və fəlsəfə nəhənginin – Fəridəddin Əttar və Alber Kamyunun əsərləri əsasında səhnələşdirilən tamaşada həm Şərq mistikası və mənəviyyatı, həm də Qərbin ekzistensializm fəlsəfəsi paralel şəkildə təqdim olunur.
Rolları Xalq artisti Mehriban Zəki, aktyorlar Səmayə Ağayarova, Elşən Əsgərov, Elsevər Rəhimov , Lalə Süleymanova, Elvin Mirzəyev, Fərid İsmayılov, Gülnar Əlfidatlı, Səadət Abbasov, Sərxan Nəciyev və Bəhram Rəhimli ifa edib.
Qeyd edək ki, tamaşanın müəllifi və quruluşçu rejissoru Nihad Qulamzadədir.
