“Bakı Metropoliteni” QSC 19 avqust Dünya Fotoqrafiya günündə fotoqraflarla bağlı yeni məlumat paylaşıb.
Çoxsaylı müraciətlər nəzərə alınaraq peşəkar və həvəskar fotoqraflar üçün metro stansiyalarında çəkiliş imkanları genişləndirilir. Bunun üçün mütləq əvvəlcədən qeydiyyatdan keçmək və təhlükəsizlik qaydaları ilə tanış olmaq lazımdır.
Fotoqraflar [email protected] ünvanına müraciət edərək qeydiyyatdan keçməli, təhlükəsizlik qaydaları ilə tanış olmalı və metro əməkdaşlarının müşayiəti ilə çəkilişlər aparmalıdır.
Sərnişinlərin fərdi formatda təsvir olunduğu fotolarda razılıqların alınması tövsiyə olunur.
Qeyd edək ki, Nazirlər Kabinetinin qərarı ilə təsdiq edilmiş “Bakı Metropolitenindən istifadə Qaydaları”na əsasən, sərnişinlərin rahat və təhlükəsiz hərəkətinin təmin edilməsi məqsədilə Bakı metropolitenində foto, video və kino çəkilişləri aparmaq yalnız icazəli şəkildə mümkündür.
