77
Avqustun 27-də müdafiə naziri, general-polkovnik Zakir Həsənov tərəfindən ordu quruculuğu sahəsində aparılan uğurlu islahatların ictimaiyyətə çatdırılması, hərbi-vətənpərvərliyin təbliği və dezinformasiyalara qarşı mübarizədə Müdafiə Nazirliyi ilə birgə əməkdaşlıqda fərqləndiklərinə görə bir qrup media nümayəndəsi “Hərbi əməkdaşlığa görə” döş nişanı və fəxri fərman ilə təltif edilib.
Döş nişanları və fəxri fərmanlar Nazirliyin Şəxsi Heyət Baş İdarəsinin rəisi general-mayor Müşfiq Məmmədov tərəfindən təqdim edilib. Anadolu Agentliyinin Bakı bürosunun fotoqrafı Rəsul Rəhimov döş nişanı, “Global Photostock” şirkətinin əməkdaşları Tapdıq Abdullayev döş nişanı və Rüfət Mikayılov fəxri fərmanla təltif olunub.
